BOŻEGO MIŁOSIERDZIA
Alas tres Pag-ampo sa Diosnong Kalooy sa mga kalye sa kalibutan
Alas tres Pag-ampo sa Diosnong Kalooy sa mga kalye sa kalibutan
Ang Diosnong Kalinaw nagbubo sa mga kasingkasing sa mga magtutoo sa panahon nga nagtindog sila atubangan sa Ginoo ug nag-ampo “Jesus, nagasalig ako kanimo!”
Upat na ka tuig, sa matag adlaw ug sa parehang oras nagtindog kami sa mga eskina sa mga kalye sa mga syudad diin nagpuyo og daghang mga tawo, mga lungsod nga nangatulog ug mga crossing sa mga baryo aron pagpangayo sa Dios sa Iyang kalooy alang kanamo ug sa tibuok kalibutan.
Gitawang namo kining apostolikanhong aksyon “Alas tres Pag-ampo sa Diosnong Kalooy sa mga kalye sa kalibutan”. Sa maong adlaw daghan mga tawo nagbarog nga mapaubsanon sa daplin sa kalsada, mga crossing, aron sa pag-asoy sa maong balaang pag-ampo nga mag-inusara o diha sa grupo.
Tungod niini nag-imbitar kami kanimo sa pagbarog sa Septembre 28, 2015 sa alas tres sa hapon sa usa ka crossing duol sa imong balay, opisina, eskwelahan o simbahan ug magtipon uban ni Jesus nga himalatyon diha sa krus, tapos mag-ampo sa “Alas tres pag-ampo sa Diosnong Kalooy, kining kahibulongang pag-ampo nga makausab dili lamang kanimo ug kanako kondili usab og tibuok kalibutan.
Alas tres sa hapon maoy takna sa kamatayon ni Jesus (Oras sa Kalooy), panahon sa dakong grasya alang sa mga tawo nga alang sa mga bili sa Iyang pag-antos naghangyo uban sa pagsalig og kalooy alang sa ilang kaugalingon ug alang sa ilang isigkaingon. Busa sa dili pa sa pag-ampo sa “Alas tres pag-ampo alang sa Diosnong Kalooy” mahimo nga magtipon kita uban kang Jesus nga himalatyon diha sa krus pananglitan pinaagi sa pag-ingon “O Dugo ug Tubig, nga mi-agas gikan sa Balaang Kasingkasing ni Jesus ingon og busay sa kalooy alang kanamo, nagasalig kami Kanimo!”, bisan pa sa mubong higayon maghunahuna ki mahitungod sa Iyang pag-antos alang kanamo uban sa gugma, tapos diha sa hilom atong ipadayag ang atong mga intensyon ug alang sa mga bili sa iyang pasyon mangayo kita nga nga Siya maminaw niini.
Sa maong pamaagi magtuon kita sa pag-bansay sa pag-ampo sa Oras sa Kalooy, tapos human niini mag-asoy kita sa “Alas tres Pag-ampo”. Kining maong pag-ampo (sama sa Oras sa Kaluoy) nga si Jesus naghatag ngadto kang santa Faustina Kowalska, pag-ampo nga kahibulongan,gikinahanglan nga atong gamiton nga matinud-anon ug magtudlo sa uban. Mao kini ang pag-ampo nga kapanahonan.
Busa, pagpangayo uban sa pagsalig ngadto sa Dios nga Maluloy-on aron mopasaylo Siya sa atong mga sala ug manalangin kanato sa matag adlaw. Giimbitar ka sa paghimo og usa butang nga gamay, apan kini makahimo og daghan. Kon gusto ka maglakip sa imong kaugalingon o sa imong mga igsoon sa maong common nga pag-ampo, palihog bisitahi sa among website
e-mail: iskra111@onet.eu
Adunay didto og mga impormasyon mahitungod sa pamaagi sa pag-organiza
sa maong pag-ampo didto sa inyo.
Uban sa pag-ampo O. Remigiusz Reclaw SJ
Ug ang grupo sa Aligato sa Diosnong Kaloo
